PREDSJEDNIK PRIMIO NENADA ADAMOVIĆA KOJI JE SPASIO ŽIVOT SUGRAĐANKI

Predsjednik Opštine Tivat dr Siniša Kusovac, primio je danas sugrađanina Nenada Adamovića, zaposlenog u jednom od tivatskih marketa, koji je nesebičnim i nesvakidašnjim gestom spasio život sugrađanki, inače stalnoj mušteriji.

Predsjednik Kusovac je pozdravio Adamovića naglašavajući da „takav ljudski gest kakav je spasiti život drugome,  nema cijenu, i novcem ne može platiti takav gest pažnje i ljudstva“.

„Ovo što ste vi uradili je primjer kako jedan trenutak, jedna odlluka, može svima nama služiti kao primjer, to jeste za ponos, ne samo za Vas već i za čitav grad. Ipak, na kraju, ljudi ostaju ljudi“.

U znak zahvalnosti, u ime građana Tivta, Predsjednik je novčano nagradio Nenada Adamovića.